سلام عليكم
شلونكم يا جماعة الخير
ندري الشباب مندمجين وايد في التمبة وانا بعد مندمج وكلنا متابعين الكورة واخبار ومباريات الدوريات الاوروبية خصوصا الدوري الاسباني الممتع ، المهم نبتعد شوية عن جو التمبة وخلونه نتكلم عن بطولة ال
Ultimate fighting championship او اختصارا ال UFC
طبعا في وايد شباب يتابعون هلبطولة ويعرفون عنها , المهم حق الي ماعنده اي فكرة ترى هلبطولة هي عبارة عن منافسة قتالية : يدخلون مقاتلين في قفص ويتقاتلون لين احد منهم يغلب بال knock out اي فقد الوعي او الدوخة نتيجة الضربات او ال submission الاستسلام وذا خلصت الجولات و مافي احد فاز بالطرق المذكورة ياخذون النقاط الاحسن من لجنة التحكيم.
المقاتلين يقدرون يقاتلون على كيفهم بأي اسلوب قتالي فتلاقي بعضهم يلعب اكثر من لعبة وله اكثر من اسلوب و أي مقاتل يقدر ( يوجه لكمات ، ركلات ، ضربات بالكوع ، ضربات بالركب ، يصارع ويتعافر ، ممكن حتى استخدام طرق الخنق المختلفة ).
واكثر الالعاب القتالية الشائعة الي يستخدمها معظم المقاتلين ولي اثبتت كفائتها في القتال الحقيقي هي :
kick boxing-myai thai- pro wrestling -Brazilian jiu jitsu-combat judo
اما الالعاب الاخرى المشهورة مثل الكراتيه ، تيكوندو ، ايكيدو ، كونغ فو كلها طلعت خرطي
لانه مقاتلي هلألعاب مافلحوا واثبتت البطولة انه هلأساليب ماتصلح للقتال الحقيقي فتلاقي المقاتلين معظمهم يتجهون للالعاب الفعالة الي اثبتت كفائتها في القتال الحقيقي مثل ماذكرت.
بالنسبة لهلبطولة ترى اهي مب مثل المصارعة الحرة wwf او wwe حاليا الي معظمها تمثيل ،او منافسات الكراتيه و الجودو الي فيها قوانين وضوابط خاصة بحركات اللاعبين اي المقاتل مايقدر الا يسوي حركات الكراتيه مثلا ، بينما في مباريات الufc مثل ماقلت منافسة تثبت من الاقوى في اسلوب قتالي حر.
المهم يا جماعة ترقبوا في مباراة قوية تجمع مابين هلمقاتلين الي في الصورة تحت في الوزن الثقيل ، وهلمقاتلين من اشهر واقوى مقاتلي الUFC المباراة حماسية جدا وقمة في الإثارة كانها مباراة برشلونة مع الريال .
وطبعاً البطل فيها للوزن الثقيل بروك ليسنر
واذا حبيتو تشوفونها على التلفزيون فأظن قناة ال multi vision الفرنسية تنقل مادري قبل كنت اشووف بطولات ال ufc على ال multi vission بس مادري ذا للحين ينقلون و ايضاً قنات شوتايم اسبورت المعروفة شوتايم 4
وإنشا الله بتستمتعون بالمباريات الشيقة من هلبطولة الي الإثارة فيها لا تقل عن إثارة معشوقة الرياضيين كرة القدم (التمبة )
الموقع الرسمي للحلبة
[ندعوك للتسجيل في المنتدى أو التعريف بنفسك لمعاينة هذا الرابط]ويعطيكم العافية
