مطر مطر .. آهات ورماد

مـطـر مـطـر وآنا على الشّبّاك آهات ورماد



تتسـاقـط احــلامي رذاذ وتمـطر عـيوني سهد






يا دمـعـتي ارجـوك هلّي واتركي عنك العناد



حــالي صــعـب أبعترف يا دمـعـتي مـدد مـدد











مـطـر مـطـر والليل عـانقني ولبّسـني سـواد


تـهـطـل على راسي جروح(ن) ماضيه تبرق جدد











ويطل طفل(ن) من سديم الليل واسوار البعاد


طفل(ن) برئ(ن) من سنين طوال واريته اللّحد











وقّـف عـلى الشباك يمسح من على عيني السّهاد


كـلما أطـالـع في عـيونه اسمـع بقـلبي رعـد











مــن بعد ســبع سنين مرّت في الشّقا ألحين عاد


كـلـّمـني بـصـوت(ن) حــنون ولمّني روح وجـسد











"عـلي" يكـفّي ما شبعت من التّوجد والحداد؟


مــا مـلّت عـيونك ضياع وليل أحزان ورمد؟











يا هـالمسـافـر مـالك الا طـفلك المنسي بلاد


إرجـع "عـلي" اللي جمع في داخله طـيبة بلد











الفارس اللي قـبل لا يـعشـق ويكبي به جواد


مـن قـبل لا يخـسر رهـان الصّدق ويخون الوعد











كـانت صـباحاته زهر والليل له فكر ومداد


إلحـلم في قـبضـة يده والعزم لـه خيل وسند











ي مـسـافر فبحر الضّياع بلا مجاديف(ن) وزاد


هــذي الطـريق الموحشه ما كانت فحلمك أبد











مـا تذكـر الأشـجار والوادي ونسمات البراد


طـفل إخـتلى في طاعة الرحمن في العتمه سـجد











إرجـع قـبل تينع ذنـوب الـقلب ويحين الحصاد


مــن قـبل لا يجفّ النّدى وتمـوت أغصان الورد











يا طــفل رجّـعني الى درب الـهدايه والرّشاد


قــرّب حـنان يديك مــالي غـير أحـضانك أحد











مـرّت علي سبع(ن) عجاف(ن) كلّها قحط وكساد


أزرع شـقا أحـصـد وهـم والحـلم فعروقي جمد











أرجـوك خـذني يا أنا واكـسر بأعماقي جماد


كـنت اعـبده واهديه عمري وكان يهديني نكد











خـذني قـبل لا اغـمض عيوني وأضغط عالزّناد


خــذني طــفل حـنّ لهـديل الام واحضان المهد











مـطـر مـطـر وآنا على الشّباك آهات وجهاد


آعــد دمـعات الـسـّحاب وتمطر عيوني "شـهد"